Trump anuncia unha suspensión da inmigración aos EUA

O presidente estadounidense, albo das críticas pola xestión da cruise do coronavirus, a través da súa conta do Twitter sen dar detalles sobre a súa duración.

inmigracion_novo-laredo
photo_camera Valado que separa México dos EUA, no control fronteirizo de Nuevo Laredo en agosto do ano pasado (Polaris)

"Á luz do ataque do inimigo invisíbel, ademais da necesidade de protexer os traballos dos nosos grandes cidadáns estadounidenses, procederei a asinar unha orde executiva para suspender temporalmente a inmigración aos Estados Unidos".

Este é o chío publicado no Twitter polo presidente estadounidense, Donald Trump, pasadas ás 22 horas desta segunda feira, 20 de abril, (as 4 horas da madrugada da terza feira na Galiza). O mandatario non ofreceu máis explicacións nin detalles sobre a medida, como canto tempo durará esta suspensión.

A principios de febreiro, Trump prohibiu a entrada a territorio estadounidense a todos os estranxeiros que estivesen na China nos 14 días anteriores. E en marzo vetou o acceso aos estranxeiros que puidesen ser considerados como un perigo para a saúde pública e suspendeu todas as viaxes ao país norteamericano desde Europa.

Nesta mesma segunda feira, os Estados Unidos, o Canadá e México acordaron ampliar un mes máis as restricións nas súas respectivas fronteiras, vixentes desde o 21 de marzo, que só permanecerán abertas para viaxes esenciais.

A ese chío de Donald Trump seguiron outros varios seguidos, co albor dun novo día, onde carga contra os medios de comunicación, aos que acusa de fabricar fake news (noticias falsas). O presidente estadounidense está a ser obxecto de duras críticas pola xestión da crise do coronavirus.

Comentarios