“Horríbel! Acabo de saber que Obama pinchaba as comunicacións da Torre Trump pouco antes da vitoria. Non atoparon nada”. Sen probas e sen apuntar máis nada, Trump lanzaba esta mensaxe a través do Twitter este sábado. O presidente dos EUA comparou esta acción co caso de espionaxe Watergate e cualificou Obama como un home “malo ou enfermo”.
O mandatario dos EUA cuestionou a legalidade das supostas escoitas e asegurou que “un bo avogado podería facer un gran caso do feito de que o presidente Obama interceptara as miñas comunicacións en outubro, antes das eleccións”. “Que baixo caeu Obama”, engadiu.
