"Vexo Corbyn como un desastre. O seu corazón está no lugar adecuado e moitas das súas políticas son boas, mais permitiu ser retratado como un extremista de esquerda", dixo o autor da Breve Historia do Tempo nunha entrevista en The Times.
O científico, que en diversas ocasións se ten definido como socialista e que ten advertido de que o capitalismo pon en risco a especie humana, esclarece que el aínda vota laborista, mais a seguir opina que non cre que o partido vaia gañar as próximas xerais con Corbyn como líder. "Eu creo que o debería deixar polo ben do partido", dixo.
En 2015 Hawking apoiou publicamente Daniel Zeichener, candidato laborista na súa circunscrición, Cambridge. Zeichener conseguiu o escano após se impor ao liberal demócrata Julian Huppert.