O secretario do Parlament dá orde de retirar a acta de deputado a Quim Torra

Quim Torra
photo_camera Quim Torra

O secretario xeral do Parlamento, Xavier Muro, encargou aos servizos da cámara que retiren a acta de deputado ao president da Generalitat, Quim Torra. Nunha carta dirixida á Mesa do Parlamento, á que tivo acceso El Nacional, Muro argumenta que a situación de Torra cambiou despois de que a semana pasada o Tribunal Supremo (TS) non suspenda a decisión da Xunta Electoral Central (XEC) de quitarlle o escano

Ademais, Muro recorda que a Xunta Electoral Provincial de Barcelona lle dera un prazo de dous días, que acaba hoxe, para informar do substituto de Torra como deputado. A Mesa do Parlamento reúnese esta segunda feira para tomar unha decisión e farao coa carta do secretario xeral sobre a mesa. Todo, aliás, ás poucas horas de que comece o pleno do Parlament

"Dado que a XEC esixe o cumprimento inmediato do Acordo que dispón realizar todos os trámites necesarios para facer efectiva a perda da condición de deputado Joaquim Torra, unha vez negada a suspensión do mesmo pola orde do 23 de xaneiro do  Contencioso-administrativo do Tribunal Supremo, informo que procedo a dar as instrucións pertinentes aos servizos da cámara para esta fin”." Con estas palabras Xavier Muro dá a orde de retirar a acta de deputado ao presidente da Generalitat.

Comentarios