O xuíz Lorenzo Janelli, da audiencia preliminar do tribunal de Palermo, ditaminou que o ex ministro do Interior italiano e líder da ultradereitista Liga, Matteo Salvini, terá que ir a xuízo polo seu papel no bloqueo dun barco con inmigrantes a bordo que tentaba desembarcar en Sicilia en 2019.
A Fiscalía acusou a Salvini de secuestrar aos inmigrantes que ían a bordo do barco de rescate Open Arms ao impedir o seu desembarco, no principio dun proceso legal que se podería dilatar durante anos.
Segundo o folio de cargos da Fiscalía, considérase que Salvini cometeu un delito ao manter o barco da ONG Open Arms parado no mar durante seis días, con 147 inmigrantes a bordo, nos primeiros días de agosto de 2019, antes de que un tribunal ditaminase o desembarco e a posterior incautación do buque.
Na súa primeira reacción nas redes sociais, Salvini confirmou o ditame do xuíz e declarouse inocente das acusacións.
"De verdade vou a xuízo por isto? Por defender ao meu país? Pois vou acudir coa cabeza ben alta. Italia primeiro. Sempre", escribiu Salvini.
🔴 Rinviato a giudizio. “La difesa della Patria è sacro dovere del cittadino”. Articolo 52 della Costituzione. Vado a processo per questo, per aver difeso il mio Paese? Ci vado a testa alta, anche a nome vostro. Prima l’Italia 🇮🇹. Sempre. pic.twitter.com/CcTELlVphl
— Matteo Salvini (@matteosalvinimi) April 17, 2021
A ONG Open Arms aplaudiu a decisión na súa conta de Twitter. "Salvini a xuízo acusado de secuestro de persoas e omisión. Estamos felices por todas as persoas que rescatamos naquela misión e por todas as persoas vulnerábeis salvadas até agora no mar da vergoña", destacou.
#ULTIMAHORA
— Open Arms (@openarms_fund) April 17, 2021
Salvini a juicio acusado de secuestro de personas y omisión.
Estamos felices por todas las personas que rescatamos en aquella misión 65 #OpenArms y por todas las personas vulnerables salvadas hasta ahora en el mar de la vergüenza #Med pic.twitter.com/WADxOiLNvS