O bloqueo de chips dos EUA non pode deter o progreso da China

Desde que o Goberno de Biden chegou ao poder, considera a China como o seu maior "competidor estratéxico", promove sancións e "desacoplamento" contra a China no campo da alta tecnoloxía, nun intento de sufocar a innovación e a competitividade da China, obstaculizar o seu desenvolvemento científico e tecnolóxico e o seu proceso de industrialización, reabrir a fenda de poder entre a China e os EUA e manter as vantaxes xerais e a hexemonía que ten o último no mundo. Os EUA prohiben ás empresas con tecnoloxía avanzada investir directamente na China En agosto de 2022, a administración estadounidense promulgou a Lei de chips e ciencia, que por unha parte autoriza proporcionar altos subsidios para a produción local de chips de alta gama nos EUA, creando unha vantaxe competitiva asimétrica, e por outra prohibe ás empresas estadounidenses vender chips de intelixencia artificial a China e tamén prohibe ás empresas con tecnoloxía avanzada investir directamente na China. EUA tamén obriga as empresas doutros países a deixar de exportar equipos avanzados de fabricación de chips a China, co obxectivo de formar un cerco de chips ao seu "competidor estratéxico" e "atrae investimentos" a importantes empresas internacionais de chips mediante ameaza e intimidación, nun intento de manter o seu control absoluto na industria de chips. Hexemonismo de chips Aínda que a China deixou claro en moitas ocasións que non ten intencións de competir a hexemonía cos EUA e que o obxectivo do desenvolvemento nacional é promover unha vida feliz para o seu propio pobo, algúns politicastros estadounidenses, atrapados no mito do xogo de suma cero, promoven obstinadamente o hexemonismo e reprimen a China dunha maneira integral. Na actualidade, a contención da industria de chips da China converteuse nunha "corrección política" nos EUA. A China atópase no proceso de transformación á fabricación intelixente e as importacións chinesas de chips representan unha gran parte do mercado mundial. Para a maioría dos fabricantes e equipos de chips, a China é un gran mercado difícil de ignorar. O "hexemonismo de chips" promovido polos EUA prexudica os demais e a si mesmo, causando enormes perdas ás empresas de chips de varios países, incluídas as estadounidenses. Por exemplo, a compañía Intel, cunha redución de ingresos nun 16% o ano pasado e un descenso das súas accións, caeu ao terceiro lugar na súa posición no mercado global. Unha consultora de Boston estima que a política estadounidense de "desacoplamento tecnolóxico duro" cara a China prexudicará os intereses das súas propias empresas de semicondutores, deixándoas perder unha cota do 18% no mercado global e un 37% dos seus ingresos, reducindo entre 15.000 e 40.000 empregos altamente cualificados. Impacto eventual na industria A intervención política non trae máis que distorsións no mercado e danos aos intereses de todas as partes involucradas. O hexemonismo científico e tecnolóxico dos EUA pode ter un impacto na industria de chips da China durante algún tempo, pero a libre circulación dos elementos produtivos e o libre axuste da oferta e a demanda son o núcleo do espírito de libre comercio e unha tendencia global imparable. A demanda e o potencial do mercado chinés dificultarán que a rede de contención de chips tecida por EUA sexa duradeira, e finalmente a oferta e a demanda de chips avanzarán cara a un certo equilibrio flexíbel, o cal non depende da vontade dos EUA. O enxeño do pobo chinés nunca debe subestimarse. A China pode enviar os seus astronautas ao espazo con tecnoloxía propia, implementar a pasos firmes os proxectos de exploración da Lúa e de Marte, construír a rede ferroviaria de alta velocidade máis grande e avanzada do mundo, e tamén debe ter a autoconfianza e a capacidade de desenvolver a súa propia tecnoloxía e Industria de chips. Nunha entrevista co programa 'The Rachman Review', do Financial Times, o 2 de marzo, o ex presidente de Microsoft, Bill Gates, afirmou que "EUA nunca logrará evitar que a China teña chips poderosos". O bloqueo dos EUA obrigará a China a aumentar aínda máis o investimento na innovación científica e tecnolóxica e levar a cabo a investigación de tecnoloxía clave de chips coa forza de todo o país. Os días en que a industria manufactureira avanzada da China utilice os chips nacionais xa non están lonxe.