A alerta saltou ás 10.16 hora rusa (8:16 GMT). Segundo declarou o ministro de Defensa ruso "a traxectoria dos mísiles vai desde a parte central do Mediterráneo até a parte oriental". AFP asegura citando fontes do Ministerio de Defensa ruso, que o lanzamento procedeu dun barco militar estadounidense. Porén o goberno de Tel Aviv atribuíuse a autoría dos lanzamentos que se terían desenvolvido como parte dun exercicio militar conxunto entre Israel e EUA.
EUA desmente o lanzamento
Embora a axencia de noticias israelí RIA-Nóvosti confirmase que os mísiles balísticos procedían de exercicios militares conxuntos entre forzas estadounidenses e o exército israelí, os EUA aseguraron que "ningún mísil foi disparado desde os buques estadounidenses", afirmou un portavoz do cuartel xeral da Marina en Europa.
