O ex ministro de Finanzas británico Rishi Sunak anunciou este domingo a súa candidatura á xefatura do Partido Conservador e, en consecuencia, ao cargo do primeiro ministro de Reino Unido, á espera de que o ex primeiro ministro Boris Johnson decida nas próximas horas se entra na carreira por suceder a Liz Truss.
"Reino Unido é un gran país pero enfrontámonos a unha profunda crise económica. Por iso preséntome para ser o líder do partido Conservador e o voso próximo primeiro ministro", anunciou na súa conta de Twitter.
The United Kingdom is a great country but we face a profound economic crisis.
That’s why I am standing to be Leader of the Conservative Party and your next Prime Minister.
I want to fix our economy, unite our Party and deliver for our country. pic.twitter.com/BppG9CytAK— Rishi Sunak (@RishiSunak) October 23, 2022![Publicidade 195634]()
"O meu desexo", engadiu, "é o de arranxar a economía, unir ao partido e cumprir as expectativas do noso país" antes de prometer "integridade, profesionalidade e responsabilidade a todos os niveis do Goberno".
Sunak debe presentar os avais dun centenar de deputados conservadores da Cámara dos Comúns esta segunda feira para certificar a súa participación; unha cifra practicamente garantida segundo as estimacións de todos os medios británicos, que falan xa duns 128 apoios.
Johnson busca retomar o poder
O ex ministro Sunak postúlase ao cargo no medio dun cisma no seo dos 'tories', con ducias de de deputados xa declararon o seu apoio a Boris Johnson, dimitido hai só catro meses.
Fontes da BBC confirmaron que Sunak e Johnson mantiveron esta pasada noite un encontro privado do que non transcenderon detalles, mais que, segundo diario The Times, foi infrutuoso.
De acordo coas fontes de The Times, Johnson asegurou aos seus avalistas que é o único candidato "cun mandato democrático. Desde a campaña do ex primeiro ministro aseguran que conta co centenar de avais necesarios para presentarse, pero fontes do partido poñen en dúbida esta cifra.
De momento só Sunak e a líder conservadora na Cámara dos Comúns, Penny Mordaunt, presentaron oficialmente a súa candidatura. Todos os aspirantes teñen de prazo até as 14 horas desta segunda feira, hora local.
