A Guarda Costeira italiana informou do rescate de polo menos 4.100 persoas migrantes, que tentaban cruzar o mar Mediterráneo en 16 botes, rexistradas en menos de 24 horas. Foron localizadas dez vítimas mortais.
As autoridades italianas non descartan que a cifra aumente e manteñen varias operacións de salvamento activas, segundo recolle a axencia AP, malia que xa é unha dos rexistros máis altos dos últimos anos.
Outros centos de persoas conseguiron chegar ás costas de Lampedusa e Sicilia, onde os centros de internamento están saturados. Organizacións humanitarias advertiron durante as últimas semanas que as travesías continuarían, fronte á pasividade da Unión Europea.
Unha nova traxedia no Mediterráneo após a morte de 800 migrantes afogadas o pasado mes de abril en augas próximas á costa de Libia. Un fluxo que non cesa. Italia rescatou 170.000 persoas no mar en 2014, un 277% máis que en 2013, e este ano espera que aumente.
