Portugal

Rebelo de Sousa recunca na presidencia nunhas eleccións marcadas pola abstención e a suba da extrema dereita

Ana Gomes, socialista, asegurou o segundo posto con apenas 1% de vantaxe sobre André Ventura, da ultra dereita. 

EuropaPress_2725175_18_march_2020_portugal_lisbon_portuguese_president_marcelo_rebelo_sousa_is
photo_camera (Foto: Europa Press)

Vitoria sen contemplacións de Marcelo Rebelo de Sousa nas eleccións presidenciais portuguesas, que recunca no posto de presidente, desta volta cun apoio de 60.70%. Son 8 puntos máis que os que logrou en 2016 mais fican lonxe daquel 70% co que o socialista Mario Soares logrou a presidencia portuguesa a principios dos 90.

A pandemia marcou unha xornada na que a abstención superou 60%. Mais a xornada deixou tamén outras novas, como os febles resultados da esquerda ou o aumento da extrema dereita, que irrompe con forza. O seu candidato, André Ventura, é o terceiro máis votado, con 11,9% máis votos, nunha cita na que el aspiraba ser segundo en votos. 

Marcelo Rebelo de Sousa gañou as eleccións en todos os concellos de Portugal, sendo o primeiro en lograr esta fazaña.

De feito, Ana Gomes, socialista, logrou o segundo posto superando en apenas 12,9% a Ventura. Gomes foi a muller máis votada de sempre nunhas eleccións presidenciais en Portugal e a primeira en conseguir un segundio posto neses comicios.

Porén, ese menos de 13% non deixa bo de sabor de boca e vai acompañado dun panorama onde a esquerda perde fol.

Porén, o candfidato do PCP, João Ferreira, que atinxiu 4,32% dos votos e foi o cuarto máis votado o domingo, mellorou os resultados do candidato comunista nas presidenciais anteriores, o madeirense Edgar Silva, que naquela cita lograra 3,9% dos apoios nas urnas, o peor resultado dun candidato apoiado polo PCP.

De por parte, a candidata do Bloco de Esquerdas, Marisa Matías, obtivo 3,95% dos votos.

Na súa intervención despois de anunciados os resultados, Marcelo Rebelo garantiu que "a confianza agora renovada é todo menos un cheque en branco".

Respecto á participación nas urnas, dos 10.791.490 votantes inscritos votaron 4.261.209. A pesar de que, ao longo do día, foron visibles longas filas en varias mesas electorais de todo o país, a abstención superou o 60%.

Comentarios