Esta cuarta feira reanudáronse as protestas en contra do Goberno de Dina Boluarte no Perú, após a tregua polas festividades de Nadal e Aninovo.
#CUSCO | Desde temprano se suspendieron servicios tales como el transporte y trabajadores de los mercados se vienen movilizando. En provincias de la región se han registrado bloqueos. #EstallidoSocialEnPerú #ProtestaNacional #4Enero
— 🇵🇪 Wayka📢 (@WaykaPeru) January 4, 2023
📹Wilson Chilo /Wayka #VocesComunitarias pic.twitter.com/m9WiQoewS0
Organizacións sociais de Arequipa, Puno, Cusco, Apurímac, Moquegua, Madre de Dios e Ayacucho anunciaron folga indefinida.
En Arequipa levouse a cabo unha marcha na cal participaron diversos gremios de traballadores, como o Sindicato de Construción Civil e comerciantes.
En Juliaca, provincia de San Román, en Puno, manifestantes bloquearon a estrada de acceso sur á cidade mentres se realizaba unha marcha na urbe.
En Cusco, os descontentos tamén se sumaron aos bloqueos de vías e marchas.
O servizo de trens cara a Machu Picchu foi suspendido polas protestas.
Nesa urbe, ademais, canceláronse as actividades na terminal terrestre, debido aos bloqueos nas estradas. Os pasaxeiros están á espera de que se renoven as viaxes.
No departamento de Cajamarca tamén hai mobilizacións, concretamente en Bambamarca, provincia de Hualgayoc. Nesa entidade informouse que campesiños retomarán o paro agrario.
Chamamento á calma
O presidente do Consello de Ministros peruano, Alberto Otárola, chamou á calma aos manifestantes. En declaracións á prensa, dixo que a protesta é un dereito da cidadanía, pero debe exercerse respectando o resto de persoas.
"O Goberno actúa con moita responsabilidade, respectando a vida e a integridade dos peruanos, pero tamén facendo respectar a orde pública e a propiedade privada e pública, que esperemos non sexa afectada nestas protestas", expresou.
