luns 19/04/21

Reaccións encontradas á decisión de Trump sobre o conflito saharauí

O Goberno de Rusia critícao, mentres que o de Francia apoia o seu aliado Marrocos e a proposta autonomista deste para o Sáhara Occidental. 
Secretary of Defense James N. Mattis, Under Secretary of Defense (Comptroller) David L. Norquist and Chairman of the Joint Chiefs of Staff Gen. Joseph F. Dunford Jr. testify on the DoD posture and fiscal year 2019 budget to the Senate Armed Services Committee, Washington, D.C., April 26, 2018. (DoD photo by Navy Mass Communication Specialist 1st Class Kathryn E. Holm)
O senador republicano dos EUA Jim Inhofe ─á dereita da imaxe─ criticou a decisión de Trump (Foto: James N. Mattis / CC)

Rusia considerou esta sexta feira que o recoñecemento por parte dos EUA da soberanía de Marrocos sobre o Sáhara Occidental, anunciado a véspera polo presidente estadounidense, Donald Trump, constitúe "unha violación do dereito internacional".

Sinalouno en declaracións á prensa o viceministro de Exteriores ruso, Mikhail Bogdanov, que considera que o Goberno dos EUA tomou "unha decisión unilateral que excede os límites do dereito internacional e a resolución do Consello de Seguridade da ONU votada polos propios estadounidenses".

Aínda que saudou a normalización das relacións dos países árabes e Israel, despois de Marrocos seguir os pasos dos Emiratos Árabes Unidos, Bahrain e o Sudán, Bogdanov sostivo que "non se deben sacrificar os intereses do pobo palestino" e pediu non esquecer que o problema de Palestina continúa sen se resolver, informou a axencia Sputnik.

Desde os EUA, o senador republicano Jim Inhofe criticou a decisión do líder do seu partido, que cualificou de "decepcionante", segundo informou Al Jazeera.

"O presidente estivo moi mal aconsellado polo seu equipo, dixo, e engadiu que "podía ter feito o acordo sen comerciar cos dereitos dun pobo sen voz", en referencia ao pobo saharauí.

A Fronte Polisario, nun comunicado, dixo que "constitúe unha flagrante violación dun dos dereitos máis sagrados: o dereito dos pobos á autodeterminación", e considerou que "obstrúe os esforzos da comunidade internacional para encontrar unha solución ao conflito".

Plan autonomista

Da outra banda do taboleiro, o Goberno de Francia, aliado de Marrocos, que sinalou que o conflito no Sáhara Occidental implica "un risco permanente de tensións" e defendeu ─como Trump─ o plan de autonomía marroquí como "unha base de discusión seria e críbel", e máis viábel que a autodeterminación.

comentarios