Nasser Zefzafi foi interrogado polas autoridades esta mañá. O líder da protesta leva sendo investigado dende o venres pola tarde. O fiscal ordeou a súa detención despois de que impedise pronunciar o sermón ao predicador da mesquita de Mohamed VI. Tras coñecer a noticia, centos de cidadáns botáronse á rúa para protestar.
Nos últimos días, Marrocos aumentou a represión sobre a mobilización da poboación do Rif, un territorio desatendido polas autoridades marroquís e onde a indignación estalou o ano pasado após a morte do mariñeiro Mouhcine Fikri, de 31 anos, quen fora atropelado por un camión do lixo mentres trataba de protestar contra a incautación e destrución do peixe espada.
Desde entón, os chamados á xustiza convertéronse nun movemento popular que reivindica emprego e hospitais, dada a discriminación que vive este territorio. Un dos líderes deste movemento, Nasser Zefzafi, ten reclamado “a rehabilitación da nosa rexión devastada”. “Somos fillos de xente pobre e sinxela que sae á rúa para dicir non á tiranía, non estamos pedindo nada excepcional”