venres 25/06/21

O Poder Xudicial analiza mañá o informe que defende que se pode facer apoloxía do franquismo mentres non se humille ás vítimas

O Consello Xeral do Poder Xudicial terá que tomar unha decisión na súa xuntanza de mañá sobre o informe das vogais Roser Blanch e Wenceslao Olea, no que critican o proxecto de Lei de memoria histórica.
Restos de 34 persoas exhumadas que foron asasinadas polo franquismo despois do final da guerra civil, esta semana en Madrid (Foto: ARMH Memoria Histórica)
Restos de 34 persoas exhumadas que foron asasinadas polo franquismo despois do final da guerra civil, esta semana en Madrid (Foto: ARMH Memoria Histórica)

Despois do rebumbio xerado o transcender que o informe do órgano sobre o Anteproxecto de Lei de memoria histórica consideraba que a norma vulneraba a liberdade de expresión por pór coto a apoloxía do franquismo avalada legalmente, o Consello Xeral do Poder Xudicial terá que tomar unha decisión a partir de mañá, cando analicen o documento.

No informe, as vogais Roser Blanch e Wenceslao Olea afirman que a apoloxía franquista de determinadas fundacións está amparada pola lei en tanto non se humille ás vítimas.

Nun primeiro intre, nin Blanch nin Olea foron designados para desenvolver o informe, mais a falta de consenso entre as dúas persoas que foras electas anteriormente obrigou o Goberno das xuízas e xuíces a optar por elas para impulsar a elaboración do texto.

Entre os reparos que as redactoras puxeron a proposta da vicepresidenta primeira e ministra de Presidencia, Relación coas Cortes e Memoria Democrática, Carmen Calvo, está o papel da Fiscalía e que a apoloxía do franquismo sirva como causa de extinción de fundacións ou asociacións, pedindo precisar máis este precepto na lei. 

Tamén cuestiona a extinción de entidades que “non persigan fins de interese xeral ou realicen actividades contrarias”.

Tutela asimétrica

Outra das preocupacións de Blanch e Olea e que o texto do Goberno do Estado xere unha tutela “asimétrica” das violacións de dereitos humanos nese período histórico, e dicir, que se protexan máis as vítimas -maioritarias- provocadas polo bando franquista na guerra civil española e na ditadura que a seguiu.

O proxecto de Lei encabezado por Calvo conseguiu superar o ditame do Consello Fiscal en abril grazas ao voto da fiscal xeral do Estado, Dolores Delgado.

comentarios