A Oktoberfest, a Festa da Cervexa de Múnic, capital de Baviera, foi cancelada a raíz da pandemia do novo coronavirus, segundo anunciaron nesta terza feira, 21 de abril, as autoridades locais.
O evento, previsto este ano do 19 de setembro ao 4 de outubro, reúne uns seis millóns de visitantes, é un dos máis grande do mundo e xera ingresos por 1.200 millóns de euros.
As autoridades de Múnic e de Baviera estiveron "de acordo en valorar que os riscos son simplemente demasiado elevados", segundo indicou o xefe de Goberno do Estado bávaro, Markus Söder.
Schwere Entscheidung mit Münchens OB Dieter Reiter: Das Oktoberfest 2020 muss ausfallen. Das Risiko ist einfach zu hoch. Man kann dort weder Abstand halten noch Mundschutz tragen. Mit Corona zu leben, heißt vorsichtig zu leben, bis es Impfstoff oder Medikamente gibt. #wiesn pic.twitter.com/AMHpQAjIL0
— Markus Söder (@Markus_Soeder) April 21, 2020
Söder insinuou que a volta deste evento só podería ser posíbel cando haxa unha vacina dispoñíbel, xa que nunha celebración como esta, "que vive do contacto", é imposíbel estabelecer o distanciamento social.
Pola súa banda, o alcalde de Múnic, Dieter Reiter, admitiu que é unha "xornada triste". Será a primeira vez desde a Segunda Guerra Mundial que o festival non se celebre.
