Milleiros de catalás e cataláns mobilizáronse ante as portas da sede do Parlamento Europeo contra a decisión da eurocámara de constituírse coa ausencia dos representantes electos nas pasadas eleccións do 26 de maio Oriol Junqueras (pola candidatura de Esquerra Republicana de Catalunya – Agora Repúblicas), Carles Puigdemont e Toni Comín (de Lliures per Europa – Junts).
A eurocámara ficou así constituída con 751 eurodeputadas e eurodeputados, faltando os tres soberanistas cataláns
A eurocámara ficou así constituída con 751 eurodeputadas e eurodeputados, faltando os tres soberanistas cataláns que non puideron sentar nos seus escanos após o Tribunal de Xustiza da Unión Europea, con sede en Luxemburgo, desestimar na segunda feira 1 de xullo a petición de Puigdemont e Comín para que lles concedesen medidas cautelares que os permitisen acudir á sesión constitutiva do Parlamento Europeo namentres o tribunal non dea resolto a súa membresía.
O xuíz concluíu que a lista oficial de eurodeputados e eurodeputadas electas polo Estado español é a enviada polas autoridades españolas ao Parlamento Europeo o 17 de xullo. Esta listaxe só inclúe as persoas que recolleron a acta en Madrid e exclúe aquelas que non puideron acudir: Junqueras por estar preso e serlle denegado o permiso para participar da recollida de actas, e Comín e Puigdemont por atopárense no exilio, xa que serían apresados pola policía española de acudir ao acto).
O xuíz non tivo en conta a orde publicada polo BOE o 14 de xuño na que se proclamaba aos tres independentistas cataláns como eurodeputados xunto aos demais electos nas urnas do 26 de maio.
A negativa do xuíz a conceder as medidas cautelares non permite a Comín e Puigdemont estaren hoxe na sesión constitutiva
A negativa do xuíz a conceder as medidas cautelares non permite a Comín e Puigdemont estaren hoxe na sesión constitutiva da eurocámara na cidade francesa de Estrasburgo. Porén, tiñan ambos anunciada a súa intención de participar esta terza feira na mobilización que se celebrou ás portas do Parlamento Europeo, mais a defensa recomendoulles desbotar esta idea xa que existe o perigo de detención debido a un convenio entre Francia e España que posibilitaría o traslado inmediato a Madrid sen necesidade de euro orde algunha.
Avui els carrers d’Estrasburg parlen català, però sobretot parlen demòcrata. N’hi ha que voldrien els carrers buits, silents, resignats. Però nosaltres omplim, parlem, lluitem. Que ho tinguin clar els nostres il·lusos perseguidors: no ens rendirem. Gràcies a tothom per ser-hi!
— Carles Puigdemont (@KRLS) 2 de xullo de 2019
Protestos diante e dentro da eurocámara
Retratos dos tres eurodeputadados cataláns ocuparon os seus respectivos asentos durante a sesión constitutiva da eurocámara. Ademais, deputadas e deputados de forzas soberanistas dos pobos da Europa realizaron protestos esixindo ao presidente do Parlamento, Antonio Tajani, a presenza de Puigdemont, Comín e Junqueras. Así fixo o deputado irlandés do Sinn Feinn, Matt Carthy, quen afirmou que "esta cámara debe loitar polos dereitos humanos e debe escoitar a voz do pobo de Catalunya”. Tajani non respostou a ningún dos requerimentos.
A eurodeputada Ska Keller, líder dos verdes na Europa, esixiu nunha rolda de prensa no Parlamento Europeo unha solución para que Junqueras exerza como eurodeputado. O catalán forma parte do mesmo eurogrupo que Keller, Alianza Libre Europea – Verdes. Na manifestación tomaron a palabra Marina Llansana (Òmnium Cultural), Elisenda Paluzie (Assemblea Nacional Catalana), o president Quim Torra a través dun vídeo en directo e eurodeputadas doutros países como a portuguesa Marisa Matias (Bloco de Esquerda). Na mobilización tamén participaron membros da eurocámara de Irlanda, Francia ou Eslovenia.
Great speech @mattcarthy. Thank you in the name of more than 2,2 million people who voted for us! @junqueras @toni_comin #OmplimEstrasburg #FreeTothom https://t.co/6BqjmPXr7c
— Carles Puigdemont (@KRLS) 2 de xullo de 2019