luns 25.05.2020

Manifestacións sen faixas e estáticas

O Govern catalá elabora un plan para que se permita o dereito de manifestación e se garden as medidas de seguridade. 
O conseller de Interior da Generalitat expuxo o plan para permitir as manifestacións (Imaxe: Europa Press)
O conseller de Interior da Generalitat expuxo o plan para permitir as manifestacións (Imaxe: Europa Press)

A Generalitat de Catalunya vai propor ao Goberno español restabelecer o dereito de manifestación de maneira que, mentres dure o risco da pandemia, se permitan protestas baixo uns criterios de seguridade sanitaria. Así, segundo a fórmula do Govern catalá, as e os manifestantes gardarían entre si dous metros de distancia e os protestos realizaríanse en rúas de, canda menos, 20 metros de ancho.

O uso de máscaras sería obrigatorio e garantiríase ademais a hixiene das mans con xel hidroalcólico.

As manifestacións pasarían a ser máis ben concentracións, xa que a proposta catalá defende que non haxa movemento do bloque humano. Tampouco se levarían pancartas, para evitar partillar material. Si se poderían portar faixas individuais. 

comentarios