O presidente de Francia, Emmanuel Macron, impúxose na segunda volta electoral á súa rival Marine Le Pen, segunda as estimacións de voto publicadas tras o peche dos colexios electorais.
Segundo os mesmos, Macron obtivo 58,2 % votos, segundo a televisión pública, que lle concede a Le Pen 41,8 por cento dos sufraxios. A cadea BFMTV rebaixa a 57,6% o nivel de apoio ao presidente.
Os analistas franceses auguran un segundo mandato complicado para Macron. O rotativo Le Journal du Dimanche prognostica, no seu titular de portada, que “o máis duro empeza mañá”. Nunha análise no interior vaticina “un quinquenio sementado de emboscadas”, a primeira das cales será, para o reelixido presidente, conseguir unha maioría na Asemblea Nacional, algo que non está en absoluto garantido.
Malia ao resultado, Macron debe ser consciente de que a súa vitoria é máis axustada que fai cinco anos e que, de novo, unha parte significativa de quen o apoia faino case tapándose o nariz, para fechar o paso a Le Pen.
