Dmitry Peskov dixo esta cuarta feira á imprensa que as informacións publicadas ao respeito só teñen como obxectivo danar as relacións entre Moscova e Washington.
Cualificou a noticia sobre o dossier -dada en exclusiva polo dixital Buzzfeed e atribuída a un antigo axente da intelixencia británica- como unha "fraude total" e un "obvio intento de danar as nosas relacións bilaterais".
Tamén negou Peskov que Rusia investigase Hillary Clinton: "O Kremlin non traballa na recolla de información comprometedora".
O dossier sería "pulp fiction", ironizou Peskov, quen empregou a mesma expresión -caza de bruxas- que está a empregar Donald Trump para desautorizar as pesquisas da intelixencia norteamericana.
