O rei emérito español, Juan Carlos I, ingresou por coronavirus nun hospital de Abu Dhabi. Segundo adiantou a diario Ara, ingresou hai unha semana e nestes momentos descoñécese o seu estado de saúde. Segundo informa este diario, o Borbón ingresou na clínica Cleveland, un hospital de luxo con múltiples filiais por todo o mundo, a máis prestixiosa da zona.
Porén, a casa real desmentiu que o rei emérito fose ingresado por coronavirus nun hospital de Abu Dhabi.
Segundo comunicou esta quinta feira o propio rei emérito mediante unha mensaxe á Cadea COPE e Espejo Público "Decidín non viaxar nestas datas do Nadal pola triste situación da pandemia en España e no mundo, e por ser persoa de alto risco. Coa esperanza de que todo mellore", di .
Juan Carlos I chegou o pasado 3 de agosto a Emiratos Árabes Unidos e permanece alí desde entón, tras fuxir do estado español.
Tanto a Fiscalía suíza como a do Tribunal Supremo español investigan ao rei emérito por presuntos negocios irregulares.
