No mínimo 651 nenas e nenos palestinos foron detidos polas autoridades israelís no que vai de 2018, segundo un informe publicado esta semana por organizacións de defensa dos dereitos humanos. O documento foi realizado entre outros polo Centro de Dereitos Humanos Al Mezan ou a Comisión de Prisións.
Othman Rami Helles, de 15 años. morreu esta sexta feira tiroteado por francotiradores do exército israelí. Xa son 19 os menores palestinos mortos nestas semanas por francotiradores
A cifra fai parte do total de 3.533 palestinos detidos por membros do exército israelí durante o primeiro semestre deste ano. O informe afirma que o goberno de Tel Aviv procesou nestes meses 502 casos administrativos, o que implica prisión e privación de liberdade por decisión das autoridades administrativas e non por decisión xudicial.
Doutra banda, o informe afirma quenos cárceres de Israel hai aproximadamente seis mil palestinos detidos acusados de se resistir a ocupación do seu país.
