O Goberno de Francia condenou esta terza feira o ataque perpetrado na véspera contra a Embaixada de Cuba en París e asegurou que abrira unha investigación para determinar as responsabilidades, sen que polo momento se producisen detencións.
Nun breve comunicado publicado na súa web, o Ministerio de Exteriores afirmou que se produciran "danos materiais mais non vítimas" e que se adoptaran medidas "para reforzar o dispositivo de seguridade".
Horas antes, o ministro de Exteriores de Cuba, Bruno Rodríguez, denunciaba o "ataque terrorista" con "cócteis molotov" contra o edificio, e responsabilizaba a EUA polas "continuas campañas" contra Cuba.
Denunciamos el ataque terrorista con cocteles molotov contra nuestra Embajada en París.
— Cancillería de Cuba (@CubaMINREX) July 27, 2021
Los responsables directos de estos actos son quienes incitan a la violencia y al odio contra nuestro país.#NoAlTerrorismo pic.twitter.com/G7vQ5Tpflb
"O chamamentos á violencia, con impunidade" por parte de Washington "alentan" condutas como o ataque de París.
Horas despois da denuncia de Rodríguez, a Embaixada cubana en París emitiu un comunicado detallando que fora obxecto dun "atentado terrorista perpetrado por dous individuos que arroxaron tres cócteis molotov", provocando un incendio na fachada e na entrada da legación diplomática.
