Momentos de tensión e violencia foron os que se viveron esta na capital valenciá durante a marcha convocada pola Comisión 9 de Octubre, unha plataforma que agrupa o valencianismo de esquerdas. Un nutrido destacamento de unionistas de ultradireita -formado por volta de 150 persoas, con certo grao de organización- plantouse diante dun grupo duns 30 mozas e mozos partidarios da independencia de Catalunya, entre os que se achaban militantes da CUP e de Arran.
Os independentistas uníranse á marcha portando unha faixa co lema "A independencia, o único camiño", o que desatou a furia da lexión de fascistas. Segundo varias testemuñas, os ultra perseguiron e agrediron varios mozas e mozos soberanistas. Algunhas das imaxes foron recollidas mesmo ao vivo por La Sexta, que interrumpiu a emisión -no momento en que se vía como os fascistas golpeaban os independentistas- co pretexto de que as imaxes eran excesivamente violentas para o horario infantil en que se estaba a producir a marcha.
Algunhas fontes presenciais citadas por Vilaweb indicaron que a policía española tolerou coa súa inacción os primeiros compases da razzia fascista e que só actuou cando o escándalo comezou a ser maiúsculo.
Os ultra agrediron tamén un xornalista, que recolleu o ataque no seu twitter.
ME ACABA DE AGREDIR UNA ULTRADERECHISTA. Me ha tirado un te caliente en la cara. Está todo en este vídeo. Otros me han amenazado de muerte. pic.twitter.com/7e7erLmx49
— Miquel Ramos (@Miquel_R) 9 de outubro de 2017![Publicidade 195255]()
