Previsibelmente Evo Morales non poderá concorrer de novo aos comicios presidencias bolivianos após o referendo que tivo lugar este domingo no país. O electorado estaba chamado ás urnas para se pronunciar a respeito da reforma constitucional que permitiría a Evo Morales presentarse de novo candidato á Presidencia de Bolivia.
A Constitución de Bolivia fixa en dous mandatos o límite para que presidencia e vice-presidencia sexan re-eleitas
Porén, os primeiros dados de escrutinio apuntan cara á unha previsíbel derrota, embora representantes gobernamentais apelan á calma e aos resultados oficiais. Segundo o vicepresidente boliviano, Álvaro García Linera, os inquéritos a boca de urna apuntarían un "empate técnico" entre o Si e o Non de maneira que o voto rural, isto é, o 35% do censo podería ser determinante.
"Pode modificarse polo Sí ou polo Non, dependendo de como cheguen as actas das cominidades afastadas. Pedimos paciencia á poboación", sinalou García Linera.
O referendo pretende adoptar unha posición a respeito do artigo 169 no que se estabelece un límite de dous mandatos continuos para a presidencia e vicepresidencia do país.
