A embaixadora de EUA comunicou ao consello de seguridade que Estados Unidos transmitirá un borrador da resolución nos próximos días reclamando que aumente a resposta internacional tendo en conta os avances militares norcoreanos.
De non resolverse a situación, Hayley advertía que Estados Unidos está preparado para defenderse a si mesmo e aos seus aliados. A embaixadora declaraba que un dos seus puntos fortes son as súas forzas militares e que as usarán de ser preciso, aínda que prefiren non ter que chegar a esa situación.
Facendo referencia a un chío do presidente Donald Trump no que atacaba a China por manter acordos de comercio con Corea do Norte, Nikki Hayley afirmaba que Washington estaba a buscar posíbeis penalizacións para aqueles países que fixeran negocios con Pyongyang.
Trade between China and North Korea grew almost 40% in the first quarter. So much for China working with us - but we had to give it a try!
— Donald J. Trump (@realDonaldTrump) 5 de julio de 2017
Trump ten previsto atoparse co presidente chinés, Xi Jinping, na cume do G20 que comeza esta quinta feira en Alemaña.