O analista político Juan José Domínguez –coñecido por atinar cos resultados nas súas sondaxes– vén de publicar unha enquisa que lle daría a vitoria ao “si” á independencia no referendo catalán por 53% dos votos fronte 47%. Aliás, segundo a sondaxe do politólogo, a participación sería de 82%.
A enquisa realizouse sobre 3 mil entrevistas, das que 1.500 se realizaron en municipios seleccionados de forma aleatoria e outras 1.500 nos catro municipios máis representativos e significativos desde 1996 en relación dos resultados en eleccións xerais das catro circunscricións catalás, segundo explica o experto no seu blog.
