85% da cidadanía peruana aproba o adianto dos comicios presidenciais, segundo unha enquisa da firma Ipsos, cuxos resultados foron revelados no medio da crise política e social que estourou no país suramericano a partir do 7 de decembro tras a destitución aprobada desde o Congreso do mandatario Pedro Castillo.
De acordo co estudo, 62% do Perú estima que antes das eleccións deben levarse a cabo determinadas reformas políticas e electorais mentres que o 23% é partidario de celebralas nas actuais condicións.
62% de peruanos preferiría que se adelanten las elecciones generales realizando previamente reformas políticas y electorales, 23% que se adelanten las elecciones con las condiciones actuales y 9% que no se adelanten las elecciones. @cuarto_poder #IpsosPeru @noticiamerica pic.twitter.com/F8t0C9J9on
— Ipsos Perú (@ipsosperu) December 19, 2022![Publicidade 195634]()
No medio das actuais protestas contra o Goberno de Dina Boluarte, que cobraron a vida de 26 persoas, a enquisa aplicada entre o 15 e 16 de decembro revelou que só 9% non está de acordo cos comicios anticipados.
Segundo o máis recente estudo da multinacional francesa de consultoría, 53% dos entrevistados considerou que as protestas son levadas a cabo por grupos radicais.
En cambio, 37% estimou que as manifestacións son espontáneas e violentamente reprimidas polas forzas policiais, mentres que 10% non adoptou un postura determinada.
A enquisa
A enquisa, que foi aplicada a 1 216 persoas, presentou unha marxe de erro de 2,8% e 95% de confianza.
Así mesmo, a mostra foi representativa de 24 departamentos máis a provincia constitucional do Callao, 53 provincias, 63 localidades e 104 distritos.
