Un goberno monocor do PNV con pactos puntuais segundo que materias co resto de forzas representadas no Parlamento de Euskadi. Este é o escenario que a candidata a lehendakari por EH Bildu, Laura Mintegi, ve actualmente en canto á formación do executivo vasco. Mintegi declarou que ve "difícil" chegar a un acordo de goberno co PNV, poñendo como exemplo as propostas económicas incluidas no documento que os jeltzales presentaron ao resto de forzas na toma de contactos para formar o executivo.
A respeito dese documento, a abertzale declarou que "o celofán é bonito, o paquete está ben feito, pero ao empezar a abrir o paquete, atopámonos con que non todo é tan bonito".
Mintegi considera que hai campos onde o PNV "vai na dirección axeitada", entre os que sinalou os da convivencia ou mesmo reclamar máis poder de decisión para Euskadi. Mais no terreo económico e fiscal, hai "máis dificultades".
@s vasc@s, por un pacto abertzale
Segundo unha sondaxe publicada esta semana, o 26% dos e das cidadás de Euskadi optan por un pacto de goberno entre PNV e EH Bildu, fronte a un 22% que prefiren reeditar o pacto PNV/PSOE e un 23% que gostan dun goberno do PNV en solitario