O independentismo derrota nas urnas o 155

Redacción

21/dec./17 - 10:10 Actualizado: 22/dec./17 - 01:24

Seguinte

00:11	Carles Puigdemont (Junts per Catalunya) comparece en Bruxelas e afirma que "a república catalá derrotou a monarquía do 155". Para Puigdemont, nas eleccións deste 21D "o Estado español foi derrotado" e Mariano Rajoy "recibiu unha labazada dos cataláns". Os resultados, con maioría independentista no Parlament, deben levar a Europa a "tomar nota", dixo. Junts per Catalunya logra 34 escanos e 21,7% dos votos
00:00	Marta Rovira (ERC): "O independentismo gañou as eleccións e derrotou Mariano Rajoy", afirmou, ao tempo que sinalaba que o resultado supón que o pobo catalán quere "recuperar" as institucións. ERC obtivo 32 escanos e 21,4% dos votos
23:50	Inés Arrimadas (Ciudadanos) afirma que o independentismo perdeu as eleccións e gábase que "por primeira vez en Catalunya gañou o constitucionalismo". A candidata de Cs di que "ficou claro" que a maioría dos cataláns queren ser españois. Ciudadanos obtivo 37 escanos e 25,3% dos votos
23:28	Xavi Domènech (Catalunya en Comú) lamenta que nestas eleccións as gañadoras fosen as forzas da dereita e di que "os resultados son sagrados" e sitúan os comúns "na oposición". CeC logra 8 deputados e 7,4% dos votos
23:23	MIquel Iceta (PSC). Pide desbotar a unilateralidade e destaca que o independentismo perdeu escanos. PSC obtén 17 escanos e tivo 13,8% dos votos
23:17	Carles Riera (CUP) comparece. "A república do 1 de outubro gañou estas eleccións" CUP: 4 escanos e 4,5% dos votos
23:07	Comparece Albiol (PP). Parabeniza Ciudadanos e recoñece o mal resultado do Partido Popular. "É un mal idea, vemos con preocupación o futuro de Catalunya coa maioría independentista". PP: 3 escanos e 4,4% dos votos
23:01	Avanza o escrutinio, que xa é de 93% e confirma as tendencias: O independentismo mantén a maioría absoluta en escanos, Ciudadanos primeira forza, Junts per Catalunya segunda e PP, última forza en Catalunya
22:49	ANC: "O independentismo gañou as eleccións con máis participación da historia e nun contexto particularmente difícil".
22:27	73% escrutado: o independentismo obtén 70 dos 135 escanos. Maioría absoluta. Junts per Catalunya (34 deputados) e ERC (32) suman mellores resultados (66 escanos) que cando foron xuntos en 2015 en Junts pel Si (62)
22:16	62,3% escrutado: Cs primeira forza, con 35 escanos e JxC segunda, con 34. ERC, 32.
22:03	Con case 50% do voto escrutado, Ciudadanos (35 escanos) e JxC (34) compiten por ser a forza con máis deputados. ERC tería 32, PSC 18, Catalunya en Comú 8, CUP 4 e PP 4. O independentismo mantería a maioría absoluta, con 70 escanos de 135
21:54	Co 37,5% escrutado: Independentismo 72 escanos, maioría absoluta Constituciuonalismo 55 Catalunya en Comú 8
21:41	Co 21% escrutado, independentismo sumaría 71 escanos e mantería maioría absoluta: JxC (34), ERC (32) e CUP (5)
21:35	Co 15,52%% escrutado Junts per Catalunya 35, ERC 31, Ciudadanos 35, PSC 18, Comúns 8, CUP 5 e PP 3
21:17	Co 6% escrutado CS supera ERC Junts per Catalunya 35, ERC 31, Ciudadanos 34, PSC 18, Comúns 8, CUP 6 e PP 3
21:05	Escrutadas primeiras 100.000 papeletas (apenas 2,25% dos votos): Junts per Catalunya (43), ERC (33), Ciudadanos (27), PSC (16), CUP (7), Catalunya en Comú (6) e PP (3)
20:33	As primeiras reaccións desde as diferentes formacións son prudentes e coinciden en remarcar a alta participación.
20:27	Escrutados os primeiros 1.200 votos, Junts per Catalunya obtería 73 dos 135 deputados, ERC 35, Ciudadanos 10, CUP9 e PP 6
20:15	Unha enquisa que publica El Diario dá a Ciudadanos como forza máis votada e sinala a posibilidade dunha maioría independentista. Ciudadanos: 32/33 ERC: 30/31 Junts per Catalunya: 28/29 PSC: 21/22 Catalunya en Comú: 8/9 PP: 6/7 CUP: 6/7
20:00	Ciudadanos sería a forza máis votada mais o independentismo lograría a maioría, segundo a enquisa que vén de facer pública La Vanguardia, feita con 3.200 entrevistas telefónicas durante estes días. Ciudadanos: 34/37 escanos ERC: 34/36 Junts per Catalunya: 28/29 PSC: 18/20 Catalunya en Comú: 7/8 CUP: 5/6 PP:3/%
20:00	Feche de colexios electorais e inicio do reconto
19:22	A portavoz do Secretariat Nacional da CUP, Núria Gibert, comparece perante a imprensa para denunciar que hai 830.000 persones que "non puideron votar" e empraza a todos os cidadáns a facelo porque este 21D "vai de democracia".
19:19	A participación definitiva ás 18:00 horas é de 68,3%, cinco puntos máis que nas eleccións de 2015. A participación aumenta en todas as demarcacións. Barcelona: 68,7% (+5,4); Girona: 68,2% (+3,1); Tarragona: 66,9% (+4,9) e Lleida 66,6% (+5,4).
18:10	O incremento de participación deuse en todas as circunscricións. Na de Barcelona pasouse de 63,21 por cento de 2015 a 68,59 este 21D. En Girona o salto foi de 65,08 a 68,34 por cento. En Lleida de 61,11 a 66,20 por cento. En Tarragona de 61,78 a 66,72 por cento.
18:04	A tendencia da participación mudou claramente á tarde. Ás 18 horas votara xa 68,21 por cento do censo, 6,4 pontos máis que nas eleccións de 2015
17:40	En colexios eleitorais de Lleida a participación a esta hora xa ten superado 70 por cento.
17:06	O número de catalás que votaron por correio desde o estranxeiro incrementou en 81 por cento a respeito das eleccións ao Parlament de 2015.
15:25	A Garda Civil considera delito de rebelión as manifestacións da Diada desde 2013. Isto transcende en plena xornada eleitoral. O atestado policial entregado ao Tribunal Supremo apunta agora Marta Rovira, Artur Mas, Anna Gabriel e unha vintena máis de dirixentes independentistas. Atribúelles a responsabilidade de deseñar un plan para declarar a independencia de Catalunya.
13:20	Primeiros dados de participación nas eleccións do 21D. Ás 13:00 horas é de 34,7%, catro décimas por baixo da rexistrada nos comicios do 27 de setembro de 2015. Barcelona 34,6%; Girona 35,2%; Tarragona 35,1% e Lleida 34,2%.
12:40	Inés Arrimadas vota en Barcelona entre berros de "Presidenta" e de "Fascista". Ciutadáns nestas eleccións parte como unha das formacións favoritas nas enquisas a ser a máis votada, en disputa con ERC.
12:20	A prisión de 'Estremera castiga Oriol Junqueras con cinco días sen poder saír da cela onde está preso. Tamén lle prohibe chamar a determinados números de teléfono. Son sancións por gravar unha mensaxe para un mitin de ERC e conceder unha entrevista a unha emisora de radio desde a cadea.
11:50	Xavi Domènech (Catalunya en Comù-Podem) pide votar para "superar unha situación difícil como país" ao tempo que para "rachar cos bloques" e "atopar unha saída en positivo". O candidato, que votou en Barcelona, di que Catalunya precisa "unha nova etapa".
11:25	Miquel Iceta, candidato do PSC, vota no colexio da Universidade de Barcelona e destaca a alta participación, "unha boa nova para calquer demócrata".
11:19	Laura Sancho, a rapaza de 18 anos que cedeu o seu voto a Carles Puigdemont, votou en Sant Cugat del Vallès
11:00	Vota en Poblenou Carles Riera, candidato da CUP. "Pola República, os dereitos sociais e a asemblea constituínte", afirmou na súa conta de twitter.
11.00	Vota Marta Rovira, número 2 de ERC, chamada a ser a presidenta executiva dun goberno de ERC se Junqueras se mantiver na cadea.
9:56	Grande afluencia de xente nos colexios electorais na primeira hora de votación neste 21D
9:10	Sen incidentes na abertura dos colexios. Hai un impresionante dispositivo policial despregado este 21D en Catalunya, con 17.000 policías.
8.00	Todo preparado nos 2.680 colexios eleitorais constituídos en Catalunya este 21D. As urnas comezarán a se abriren ás 9 horas. 5,5 millóns de catalán están chamados a votar. Elexerán 135 escanos no Parlament.