Corinna Larsen afirma que Juan Carlos I lle transferiu 65 millóns de euros desde Arabia Saudita

A ex-amante do rei emérito español dixo á xustiza suíza que o monarca lle trasferiu esta cantidade "por gratitude e amor" e que procedían dunha doazón do rei Abdullah.

 

O rei emérito Juan Carlos I de Borbón tería regalado á ex princesa Corinna zu Sayn-Wittgenstein 65 millóns de dólares.
photo_camera O rei emérito Juan Carlos I de Borbón tería regalado á ex princesa Corinna zu Sayn-Wittgenstein 65 millóns de euros.

Corinna Larsen, a ex-amante do rei emérito español Juan Carlos I, dixo á xudicatura suíza que o monarca lle transferiu 64,8 millóns de euros en 2012 "por gratitude e amor" e para "garantir" "o seu futuro e o dos seus fillos, como di o xornal El País.

O xornal tivo acceso á declaración de Larsen á fiscalía suíza en decembro de 2018. Segundo Larsen, Juan Carlos I non tiña a intención de "desfacerse do diñeiro", pero foi un agasallo. "Era consciente de que ela fixera moito por el", dixo a ex-amante do rei emérito, quen dixo á xustiza suíza que en 2012 foi "secuestrada polos servizos secretos españois".

Na declaración, Larsen tamén dixo que non pediu cartos, pero sabía que proviña dunha "doazón do rei Abdullah de Arabia Saudita a Juan Carlos I." "Non me dixeron o motivo da doazón, pero é unha práctica común entre os reis, especialmente en Oriente Medio", dixo Larsen.

Comentarios