A afirmación realizada a pasada sexta feira polo ministro chipriota de Finanzas, Mijailis Sarris, da posibilidade de tasar depósitos superiores a 100.000 euros é agora unha realidade. A quita será do 20% para aqueles que superen esa cantidade. Inspectores da Troika avalaron esta opción para aqueles depósitos situados no Banco de Chipre. Para o resto de depósitos, os que teñan outras entidades financeiras, a quita será do 4%.
Con esta decisión o Parlamento chipriota pasa a separar as entidades financeiras do país en bancos bos e malos. No caso dos segundos entrarían estes grandes depósitos que terán a quita como penalización. Haberá que agardar a reacción d@s cidadáns dese país que aínda teñen as sucursais bancarias fechadas até a vindeira terza feira.