INTERNACIONAL

"O cesamento do fogo chegará cando non haxa máis fascistas. Nin en Donbass nin en Kiev"

"O cesamento do fogo chegará cando non haxa máis fascistas. Nin en Donbass nin en Kiev"

A pasada sexta feira, a República Popular de Donetsk asinou o cesamento das hostilidades con Kiev. Mais a tensión continúa sobre o escenario, con acusacións cruzadas de rachamento do acordo.

Que se asinase o cesamento do fogo non significa que os ucraínos de Donbass, a rexión suroriental en que se acha a República Popular de Donetsk, renuncien a exercer o seu direito á autodeterminación. De feito o seu presidente, Alexander Zakharchenko, dixo que seu goberno continúa planeando declarar nun futuro indeterminado a independencia.

Máis explícito foi Alexander Khryakov, ministro do goberno de Donetsk, quen en declaracións a The Guardian afirmou que "o cessar fogo" real só chegará cando Kiev sexa derrotado.

Rusia advirte que fechará o seu espazo aéreo se as sancións da UE atinxiren o seu sector enerxético

"Hoxe estamos a celebrar a liberación de Donbass do fascismo", dixo esta segunda feira durante os actos conmemorativos do 71 anos do fin da ocupación nazi. Para Khyakov, a batalla contra o fascismo no Donbass aínda está aberta: "O cessar fogo virá cando non haxa máis fascistas. E non só no Donbass, mais tamén en Kiev", dixo.

Sancións a Moscova

Mentres, a UE resolveu endurecer a súa política de sancións contra Moscova por considerar que Rusia está detrás das milicias populares contrarias ao goberno golpista de Kiev.

Esta segunda feira, o presidente do Consello Europeu, Herman Van Rompuy, anunciou un novo pacote de medidas que "aprofundan" as sancións adoptadas o 31 de xullo.

A reacción de Moscova non se fixo agardar. O primeiro ministro e ex presidente Medvedev advertiu de que Rusia fecharía o seu espazo aéreo se as sancións da UE atinxir o seu sector enerxético.

Apoia Nós Diario

Se estás lendo de balde este xornal é grazas ás máis de 3.000 persoas subscritoras. A información independente ten un prezo. Apoia un xornalismo galego e sustentábel subscribíndote a Nós Diario ou facéndote mecenas.

comentarios