El Mundo, ABC, La Razón, La Gaceta… desde o 11 de setembro non paran. A presenza na rúa de millón e medio de persoas reivindicando a independencia debeu ser o máis parecido a un infarto que viviu a caverna mediática españolista desde as eleccións xerais nas que Amaiur atinxiu grupo propio (gañado nas urnas, roubado nos despachos da legalidade española).
Desde a Diada, portada tras portada dos catro medios para describir o inferno dunha Catalunya independente. As desta terza feira non decepcionan.
"As declaracións do eurocomisario Almunia nese sentido foron acollidas con xúbilo nas redaccións da caverna mediática"
Así, o ABC titula: “Advertencia da Unión Europea aos sediciosos cataláns”. Isto, ilustrado cun debuxo onde Artur Mas e Puigcercós mollándose baixo a choiva e fóra dun paraguas coa bandeira da UE. As declaracións do eurocomisario Joaquín Almunia nese sentido foron acollidas con xúbilo nas redaccións da caverna, onde o do Psoe, até estas, era un pusilánime e un traidor.
En La Gaceta, ‘idem de lienzo’: “A independencia deixaría a Cataluña fóra da UE”. Os artigos inciden no apocalipse que suporía para os cataláns xa non independizarse, senón simplesmentes realizar a consulta.
Os artigos inciden no apocalipse que suporía para os cataláns xa non independizarse
Máis madeira!!
El Mundo opta por outra baza de éxito contra o independentismo, neste caso catalán: a ‘manipulación’ das crianzas. O xornal de Pedro J abre a cinco columnas cun “España terá que se render”, frase que atribúe a un neno que estivo na Vía Catalá. Este medio asegura que “TV3 empregou nenos que participaban na Via Catalana para fomentar a independencia nun informativo infantil”. Coas fotos dos nenos en portada, nome e idade!
La Razón tamén opta por esta vía en canto á foto (a da manipulación dos nenos), mais o titular dallo a “A UE deixa claro a Mas que unha Cataluña independente estaría fora de Europa”.
A conexión Madrid/Bruxelas, polo que se ve, está desposta a poñerse dura. Cos mercados? Cos bancos? Coas multinacionais? Co incumprimento de dereitos? Cos recortes?... Pois non, cos cataláns. Que se vaian preparando…