Miles mobilizáronse na sexta xornada de protestas contra a sentenza e contra a represión das manifestacións. Sucedeu en todas as grandes cidades de Catalunya. Mais o foco estivo de novo en Barcelona, en especial, sobre a concentración que os CDR e a CUP desconvocaron despois dun par de horas. Centos de persoas saíron de novo á rúa. Houbo tensión diante do Tribunal Superior de Xustiza de Catalunya, protexido polos Mossos. En paralelo, na praza Urquinaona, manifestantes montaron un cordón humano "cívico e pacífico" para, explicaron, "facer pantalla cos corpos da policía". Cidadáns das entidades civís vinculadas a En Peu de Pau (En Pé de Paz) conseguiron que “a non-violencia” se convertera na ferramenta máis útil da xornada.
Fem un petit aclariment als mitjans. En Peu de Pau mai convoca ni desconvoca cap acte. Simplement intenta que la noviolència sigui una eina útil per a tothom. ? https://t.co/5GuHwnm7Ca
— En peu de pau! (@enpeudepau) October 19, 2019
Tamén houbo manifestacións en Donostia (42.000 persoas) e en Madrid (4.000 persoas), na capital do Estado con cargas policiais.
Entre os líderes políticos continúa o desconcerto.
O presidente catalán Quim Torra (JxC) pediu a Pedro Sánchez "fixar unha data e hora" para unha reunión e abrir un "diálogo inmediatamente". Ao mesmo tempo, o vicepresidente, Pere Aragonès (ERC), instou á Policía Nacional a actuar con "criterios de proporcionalidade". Tamén denunciou a falta de diálogo do goberno español: "Hai tempo que pedimos unha reunión con Pedro Sánchez e el só envía ao ministro do Interior". A Agència Catalana de Notícies revelou que Torra chamou por teléfono á Moncloa pero o presidente en funcións do Goberno español non atendeu a chamada.
Despois da comparecencia no Parlamento catalán, pola tarde houbo máis encontros entre líderes políticos cataláns e Torra enviou unha carta a Pedro Sánchez advertíndolle que non lle dea “lección de condenar a violencia”. Outros líderes políticos decidiron sumarse as concentracións cidadás. O cabeza de lista de ERC no Congreso español, Gabriel Rufián, apareceu no paseo de Lluís Companys de Barcelona cando remataba a manifestación convocada polos CDR e a CUP. Rufián tivo que escoitar berros: "Vostede é a nova Converxencia!" e "Fóra!".
Rufian arriba a Arc de Triomf i s’endú una escridassada colossal. La gent està molt emprenyada amb ell. A bansa de la càrrega ha estat el moment més tens de la tarda. pic.twitter.com/eXVvQRiAVY
— Jordi Borràs (@jordiborras) October 19, 2019
Pasadas as dez da noite, La Vanguardia informou de que os CDR levantaran os cortes que afectaban á AP-7 e á N-340, e de que en Tarragona e Lleida a xente nas rúas estaba tranquila malia presenza policial, mentres que en Girona había incidentes pola orde de levar á cadea a unha persoa detida durante o día.
Ao peche, o mesmo xornal advertía que a noite non ía ser tan tranquila como o día en Barcelona. “Primeiras barricadas no centro”, informaba a edición dixital.
EN DIRECTE Els Mossos amenacen amb una intervenció imminent i ara demanen que es deixin de llançar objectes. En un primer moment parlaven de fogueres però no es veia cap foc des del cordó policial; informa @andreumerino https://t.co/iuEcCvVean #SentènciaProcés pic.twitter.com/duk3ymtsgU
— NacióDigital (@naciodigital) October 19, 2019