Ano 2011. ETA xa decretara o cesar o fogo mais o Estado español e as súas forzas de seguridade seguían en pé de guerra. Nun dos tantos operativos que se realizaban, e realzian, en Euskal Herria e que se venden mediaticamente coa etiqueta de Operación contra ETA, foron detid@s seis moz@s. Arrestados en diferentes localidades e cidades bascas para ser conducidos á Audiencia Nacional baixo a aplicación da Lei Anti-terrorista.
Malias denuncias realizadas por plataformas de dereitos humanos e colectivos cidadáns, os grandes medios españois obviaron a violación.
Durante eses días sometidos a incomunicación o trato a estes cidadáns vasc@s foi o normal neste tipo de operativos: puñadas, patadas, vexacións, insultos, malleiras, ameazas...e moito máis. Todo iso a cargo de axentes da Garda Civil. Os feitos foron denunciados por plataformas de dereitos humanos, de solidariedade coas presas... mais os grandes medios silenciaron o tema.
Gravidade
O Comité europeo da prevención da Tortura (CPT) vén de recoller esas denuncias, dando así unha lección de democracia e contra a impunidade non só o goberno español,senón tamén aos medios de comunicación do Estado español.
Este organismo considera “críbel e consistente” as torturas e vexacións denunciadas por estes detidos vascos, entre elas unha especialmente repugnante: Unha violación.
Violación e electrodos
O informe deste organismo europeo polos dereitos humanos recolle que a cidadá vasca Beatriz Etxebarria foi sometida, textualmente, a “interrogatorio. Mentres levaba posta a bolsa , aplicáronlle vaselina na vaxina e o ano e introducíronlle un pau no recto. O mesmo tempo, ameazábanlle con máis abusos sexuais se se negaba a falar”.
Mentres lle metían un pao polo ano amenazábana con máis abusos sexuais,a ela e á súa parella
Aliás, o documento da CPT recolle que a mantiveron “espida durante todos os interrogatorios e que continuou recibindo ameazas de abusos sexuais, a ela e á súa parella: Após de mollala con auga, atáronlle electrodos ao corpo e ameazaron con aplicarlle electricidade”.
España, todo mentira. Europa: que se investigue
Desde Madrid xa se respondeu a ese informe da CPT dicindo que todo era unha gran mentira e que no Estado español non se tortura. O organismo europeo retrucoulle pedindo ques e investiguen as denuncias e os feitos.
Un estudo cifra en 3.000 os e as cidadás de Euskal Herria que sofreron torturas desde a Transición até a actualidade.
Organizacións como Amaiur xa anunciaron que pedirán no Congreso español a comparecencia urxente do ministro de Interior.Unha demanda apoiada for forzas nacionalistas.
Milleiros de torturad@s
Un documentado traballo colectivo impulsado pola Fundación Euskal Memoria desvelaba hai uns meses que desde a Transición até hoxe en Euskal Herria houbo pola volta de 9.000 cidadá(n)s vasc@s que foran sometidos a incomunicación en aplicación da Lei Antiterrorista, un 40% dos cales terían sofrido torturas. E dos 62 axentes das FSE que foron condeanados por torturar a vasc@s, 36 foron indultados por gobernos do PP e do PSOE.