Ucraína espertou esta terza feira con novas explosións en varias das súas cidades, segundo manifestaron as autoridades do país, explicou na súa conta de Twitter o correspondente de Nós Diario na zona do Donbás, Bruno Amaral de Carvalho.
“Alerta en todas as rexións de Ucraína neste momento”, sinalaba o xornalista poucos minutos despos das 8 horas, para despois engadir que “canles ucraínas falan de mísiles sobre a cidade de Kíiv”.
Canais ucranianos falam em mísseis sobre a cidade de Kiev.
— Bruno Carvalho (@bcarloscarvalho) October 11, 2022![Publicidade 195634]()
Esta alerta prodúcese despois de que no día de onte as Forzas Armadas rusas lanzaran un ataque contra a capital ucraína e outras 14 rexións máis do país, en resposta á explosión dun camión o pasado sábado na ponte de Kerch, que conecta Crimea con Rusia, e que provocou tres mortes e a interrupción do tráfico durante 24 horas.
O “ataque masivo” foi dirixido a “instalacións enerxéticas, militares e de comunicacións ucraínas”, salientou o mandatario ruso, Vladimir Putin. Pola súa parte, as autoridades ucraínas elevaron a 19 as persoas falecidas durante o ataque, ademais de 105 feridos e feridas.
Posíbeis explosións en Zaporiyia
Alexander Starukh, dirixente da parte de Zaporiyia que está baixo control ucraíno, acusou Rusia despois de que presuntamente se rexistrasen varias explosións en “infraestruturas críticas”.
Segundo publicou Starukh na súa conta de Telegram, “o ocupante [Rusia] atacou o centro rexional con foguetes. As infraestruturas convertéronse nos obxectivos do inimigo”.
