O corpo de Blesa apareceu sen vida nunha finca de caza á que viaxara para participar nunha cazaría e foi atopado ás 8:40 da mañá da pasada cuarta feira, despois de que os servizos de emerxencia recibisen unha chamada dun dos traballadores da finca 50 minutos antes. Segundo os resultados da autopsia todo apunta a que Miguel Blesa puido apoiar a culata no chan e poñer contra o seu peito a boca do canón.
O Xulgado de Primeira Instancia e Instrución número 2 de Peñarroya-Pueblonuevo, o que se encarrega da investigación, recebeu o informe da autopsia en que se confirma que estaríamos perante unha morte "por autolesión por arma de fogo", segundo informou o Tribunal Superior de Xustiza de Andalucía.
