Tres pistoleiros acabaron coa vida de seis fieis musulmáns nun tiroteo no Centro Cultural Islámico, na cidade de Quebec. O atentado tivo lugar durante os rezos vespertinos deste domingo. Na mesquita nese momento había por volta de 50 persoas. Dous dos sospeitosos foron arrestados e o terceiro continúa fuxido.
Segundo testemuñas, un dos asaltantes portaba un fusil de asalto AK-47.
O ataque prodúcese poucas horas despois de que o primeiro ministro canadiano, Justin Trudeau, anunciase que Canadá non vai secundar o veto de Trump e que continuaría a receber nacionais dos países musulmáns.
"Condenamos este ataque terrorista contra musulmáns nun centro de culto e refuxio. A diversidade é a nosa fortaleza e a tolerancia relixiosa é un valor que nós, como canadianos, abrazamos", dixo Trudeau.
