Por que a xente ten que votar o PDeCAT?
Porque no eixo independentista ten un discurso realista. Sen renunciar a nada. E na xestión do país ten os pés no chan. Somos o centralismo político e social. Somos independentistas, pero xa xestionamos bastante frustracións.
Alguén lle pode dicir que este é o discurso de ERC.
Temos un modelo de país moi diferente e o discurso dirás que o fai ERC, pero de feito tamén o fai Junts no Congreso indo ver ao rei. De facto é o mesmo. Pero nós, a CUP e ERC temos modelos moi diferentes.
Por exemplo?
A escala fiscal, nós temos claro que Cataluña é país de pequena e mediana empresa. Nós non somos Wall Street. E nestes momentos temos que trasladar a presión fiscal ás pequenas empresas e a clase media? Non. Quen gañe máis, que pague máis. Evidente. ERC pensa nun país máis asistencialista, que debe ser, pero tes que xerar oportunidades e postos de traballo; se non, tampouco é sostíbel.
Pero entón, o seu plan para alcanzar a independencia cal sería?
Pois realista. Non hai estratexia unitaria independentista. Socialmente, agora, estamos preparados para paralizar o país? Se temos un fito para tocar, si. Pero agora, acabamos de pasar unha gripe e temos que facer un maratón? Non poderemos. Traballouse o recoñecemento e alianzas internacionais? Non. Asumimos os nosos erros. Poñámonos a traballar nun proxecto realista.
Hai xente que pode compartir o modelo de país. Pero estamos nunhas eleccións onde non se pode decidir nin o día que se fan. Que se fai co modelo de país, se non se pode nin respirar?
A sensación de afogo é moi alta, está aí. Hai momentos que son críticos. Seino. Por exemplo, democratizar as cámaras de comercio. Aí deixáronme ben soa. Se Canadell foi presidente é porque alguén, despois de dez anos, tivo a coraxe, incluso indo a Madrid, de defender o voto dixital. E aquí, síntoo moito, fun eu. Que non mo expliquen. E sen facer ruído nin facer grandes titulares. O afogo está. Pero non só.
O president Torra mesmo, vendo o desgoberno, considera terminada a lexislatura. Pois convoca as eleccións! Ao final é un tribunal que decide inhabilitar o presidente Torra por unha pancarta. Preparamos as eleccións? Non. Por incompetencia. Incompetencia manifesta. Non sabemos planificar. Queremos ser independentes e non sabemos nin xestionar unha pandemia. Non o fixemos ben. Cando digo que o Goberno, na segunda onda da pandemia, é incompetente, e que a represión do Estado non o tapa todo, e que fomos incompetentes, dígoo porque cando me tocou xestionar a pandemia, vós oístes que houbese algún incidente? Que os sectores dixesen que non sentían acompañados? Estabamos no lado da xente, informando, loitando pola xente. Creamos o programa Orfeo de tests masivos. Mobilizando todos os centros de investigación. E o Departamento de Saúde detívoo! Esta improvisación levounos a que un tribunal decida. Hai unha parte de represión? Si. E unha parte de incompetencia.
A incompetencia máis destacada que viu unha vez dentro?
Que non tiñamos un plan de residencias nin de probas.
