Após semanas de negociacións e diferenzas internas, PSOE e Unidas Podemos chegaron finalmente a un acordo sobre os orzamentos xerais do Estado e a lei de vivenda, segundo o secretario de Estado de Comunicación.
Este acordo permitirá ao Goberno español presentar o proxecto ao Congreso dos Deputados, onde terán que ser admitidos a trámite e, se superan este procedemento, terán que ser validados pola maioría da Cámara. Pedro Sánchez terá que negociar coa maioría da investidura, que tamén é a que lle permitiu sacar adiante as contas do ano pasado.
Este acordo estivo precedido de semanas de conversas discretas e demandas mutuas entre socios de Goberno do estado, especialmente no que se refire ás políticas de vivenda..
A presentación das contas públicas xa se atrasou respecto ao calendario inicialmente previsto por Moncloa, que manexaba aprobalas no Consello de Ministros deste martes.
Outra das medidas orzamentarias que se coñeceu esta terza feira é que o Goberno español ten previsto aumentar o salario dos funcionarios nun 2% en 2022. É a proposta para o ano que vén que trouxo o Ministerio de Facenda e Función Pública á reunión da mesa xeral de negociación das administracións públicas.
