As autoridades isrealís agrediron a poboación palestina de Xerusalén que participaba no funeral da xornalista de Al Jazeera Shireen Abu Akleh, asasinada polo exército de Israel.
Everyone switch on to Al Jazeera right now. This is one of the most horrifying things I’ve seen.
— Khadija (@khadljasays) May 13, 2022
IOF is attacking mourners carrying Shireen’s body from the hospital right now. They’re using stun grenades and tear gas and charging at them with horses and batons. pic.twitter.com/wUY80WO6su
Os asistentes ao funeral quixeron cubrir o cadaleito da xornalista cunha bandeira de Palestina. A acción foi denegada pola policía israelí, que procedeu a golpear varias das persoas que se atopaban alí, deixando decenas de feridos.
O cadáver de Abu Akleh, que recibiu un disparo na cabeza por parte dun soldado israelí mentres exercía de correspondente para o seu medio de comunicación, estaba custodiado no Hospital Saint Joseph, onde tiveron que ser atendidos moitos dos agredidos polas autoridades de Israel.
Durante o transporte do cadaleito, a policía tamén agrediu varias persoas que portaban bandeiras de Palestina.
Seguen as investigacións polo asasinato
Mentres tanto, as autoridades palestinas proseguen coa investigación do asasinato da xornalista
Abu Akleh cubriu a pasada cuarta feira un ataque do exército israelí a poboación civil do campo de refuxiados de Yenin, en Cisxordania, cando foi asasinada dun disparo na cabeza.
Tanto 'Al Jazeera' como a Autoridade Nacional Palestina e a Liga Árabe culparon Israel do ocorrido, xa que a xornalista levaba un chaleco ía debidamente acreditada como integrante de prensa.
Pola súa parte, o primeiro ministro israelí, Naftali Benet, acusou nun primeiro momento milicianos palestinos do asasinato. Acusación que o seu propio Goberno tivo que matizar.