Rodríguez Miranda, secretario Xeral de Emigración da Xunta de Galiza asegurou aledarse de que @s galeg@s "emigren dun xeito ordenado". Porén, os milleiros de persoas que se ben abocad@s a abandonar o país na procura dun futuro poñen voz a un drama que non dista tanto do vivido polos seus proxenitores.
Nas páxinas de Política achegámonos á "política suicida" dos aeroportos galegos após a guerra desatada polas subvencións públicas destinadas ás aeroliñas. Nós botamos o dentes arredor do intenso debate xerado sobre o futuro das tres terminais da Galiza.
Aliás, achegámonos a unha das polémicas da semana. Logo de que o diario español El Mundo publicase uns supostos informes elaborados polos servizos policiais e de intelixencia españois arredor da liña política do BNG, analisamos a resposta do Bloque. @s nacionalistas denuncian a ofensiva criminalizadora que o delegado do Goberno central na Galiza lidera contra o nacionalismo.
Na sección de Economía, botamos unha ollada á comisión de investigación das caixas e a estratexia do Partido Popular. Olvido e perdón d@s populares que embora aceptasen constituír este organismo parlamentar non permanente renunciaron a que cumprise coas súas funcións. Nin Fernández Currás, nin MAFO nin Almunia comparecerán porén o sector financeiro galego segue pendente dun fío.
Asemade, achegámonos á queda na recadación fiscal da Galiza. 400 millóns de euros menos froito da crise, mais tamén, da negativa de Núñez Feijóo a facer pagar máis a quen máis ten.
O sector naval ergueuse en Vigo contra o seu toque de graza. A UE obrigará a devolver as bonificacións percibidas, unha decisión que pon en risco o mantemento dun sector industrial estratéxico para o país mais a piques de ficar tocado e fundido
Após, o anuncio de Almunia, o sector naval ergueuse en Vigo contra o seu toque de graza. A UE obrigará a devolver as bonificacións percibidas, unha decisión que pon en risco o mantemento dun sector industrial estratéxico para o país mais a piques de ficar tocado e fundido.
Nas páxinas de Cultura falamos do esmorecemento das salas de cinema. Logo do peche dos cines Vialia en Pontevedra, a cidade convértese na única capital de provincia en ficar sen exclusivistas un sector, o do cine, que deu comezo á súa conta atrás.
Aliás, conversamos con Pilar García Negro, arredor da súa última obra, "Cantares gallegos hoxe. Unha leitura actualizada de Rosalía de Castro". A profesora e escritora teno claro "Rosalía é a bandeira dun combate político a prol da Galiza" mais é preciso "desmusealizar" á nosa poeta nacional e afondar no seu feminismo "ilustrado" e no seu fondo compromiso con Galiza e coas clases populares.
Queres saber que máis contidos te agardan neste novo número? Pois a que estás agardando!
Bule ao teu quiosque ou faite xa cun novo Sermos Galiza na nosa loxa
