Será o avogado do Concello quen asuma a defensa do alcalde, Salvador González solla, imputado por non facer cumprir a orde de demolición das obras do atrio da igrexa de Guillada, segunda decisión tomada na Xunta de Goberno Local. O caso é similar ao que aconteceu en Santiago de Compostela coa defensa do concelleiro Adrián Varela, o que resultou coa sentenza condenatoria dos 7 concelleir@s participantes na Xunta de Goberno e a súa posterior dimisión obrigada ao seren inhabilitad@s para cargo público no xulgados.
O BNG no concello insta agora a Feijóo e Louzán, presidente galego e da provincia do PP, a que se pronuncien sobre a utilización dos medios humanos do Concello na defensa particular do alcalde. Para o grupo nacionalista “é un escándalo que o goberno do PP aprobe que o avogado do Concello de Ponteareas defenda a Solla a nivel particular no Xulgado”,pagado, segundo engaden, “a costa dos veciños e veciñas, que se utilícen os impostos de todos para pagar a defensa persoal” do alcalde. Ao seu ver, tanto o alcalde como @s concelleir@s implicad@s poderían “incorrer nun novo delito pola utilización de medios públicos para o beneficio persoal do Alcalde”.