“Nin antes o goberno español, nin o de agora, demostraron interese por defenderen a frota galega de Mauritania nin os postos de traballo que dela se derivan, deixaron apodrecer a negociación” sinalou Xabier Aboi, secretario nacional de CIG-Mar, sindicato maioritario no sector, nun acto que tivo lugar en Marín e que congregou centos de persoas.
O recente acordo, supón, segundo se puxo de manifesto, un maior desembolso para a UE que o anterior e, mália así, se marxina á frota galega. Por outra parte, dos 114 mariñeiros afectados só 22 recibiron parcialmente o pactado. “Só 22 teñen solucionado unha axuda e non todos cobraron”, dixo un mariñeiro.
As mobilizacións continuarán até que se cobren as axudas e se renegocie un acordo xusto que garanta o dereito a pescar dos mariñeiros galegos.
