martes 22/09/20

O Secretario nacional da CIG-Ensino, Anxo Louzao, defende no Congreso a retirada da LOMCE

O Secretario Nacional da CIG-Ensino, Anxo Louzao, reclamou a retirada da LOMCE na súa intervención na Comisión de Educación do Congreso dos Deputados por ser “letal para o ensino público galego”. 

Anxo Louza na Comisión de Educación do Congreso
Anxo Louza na Comisión de Educación do Congreso

Anxo Louzao expuxo na Comisión de Educación do Congreso, na que compareceu por convite do BNG, as razóns polas que tanto a CIG-Ensino como a Plataforma Galega en Defensa do Ensino Público rexeitan a totalidade dun proxecto que denunciou como centralista, antisocial e promotor das desigualdades e a segregación nas aulas. 

Defendeu Louzao que detrás do proxecto educativo atópase  como obxectivo central a promoción da ideoloxía neoliberal que conduce a unha maior privatización e mercantilización da Educación. Ao seu ver, a lei “centraliza e uniformiza o sistema educativo, rexeitando a conformación plurinacional, pluricultural e plurilingüística do Estado español” reforzando tamén a confesionalidade do ensino. 

“Cuestiona o dereito universal á educación, descarta a igualdade de oportunidades, fortalece o papel españolizador, destrúe a diversidade cultural e nega o dereito a ter un ensino científico e laico” sinalou Louzao na súa intervención arredor dunha lei que “invade competencias educativas de Galiza” entre outras cousas, á hora de asumir as atribucións para fixar os currículos de materias troncais. 

Na quenda de preguntas, Louzao respondeu a  máis de corenta intervención, entre elas as cuestións do BNG e CIU sobre a presenza do galego no ensino ao que o máximo responsábel da CIG-Ensino denunciou en especial a situación en Educación Infantil, onde o ensino en galego non acada o 5% nos centros das cidades, segundo sinalou. Criticou tamén o decreto polo que o PP prohibiu impartir materias como matemáticas, física e química ou tecnoloxía en galego cando si se poden dar en inglés, anulado polo TSXG, como explicou á deputada do PP. Segundo Louzao, a lei educativa pretendería dar “carta de legalidade ao que foi declarado ilegal polos tribunais”, en referencia tanto á regulamentación do idioma como á segregación por sexos do alumnado. 

O Secretario nacional da CIG-Ensino, Anxo Louzao, defende no Congreso a retirada da LOMCE
comentarios