A central sindical nacionalista denunciou que Consellaría da que é titular Jesús Vázquez designou "a dedo" ao popular Jorge García García presidente do Tribunal de oposición ao corpo de mestras e mestres nº2 de inglés de Lugo. Segundo informa a CIG-Ensino, da Pontenova, Jorge García García.
A CIG-Ensino advirte que "o nomeamento de presidentes e presidentas de tribunais que van xulgar o proceso selectivo" responde "a criterios políticos" aproveitando que a súa asignación devén directamente da Consellaría e non a través dun sorteo como si acontece cos demais integrantes do tribunal.
O popular Jorge García, que exerce na actualidade como portavoz no Concello da Pontenova concorre, aliás, ás oposicións de inspector. Desde a CIG-Ensino exixen que a Xunta de Galiza --a través da Consellaría de Educación-- modifique a composición do Tribunal dando prioridade aos criterios técnicos na escolla d@s membros do mesmo habida conta, din, da existencia de "numerosos profesores e profesoras funcionarias de carreira desta especialidade" que non exercen ningún tipo de representación política.
