Un home matou esta sexta feira a súa compañeira no domicilio que partillaban con catro fill@s de amb@s e vari@s familiares en Lugo. Os feitos aconteceron na zona da Ramallosa cando, alertada polos berros, a filla de 13 anos de idade baixou ao portal en pixama para pedir axuda. Malia que algunhas testemuñas sinalaron que Helena D. podería estar grávida, a autopsia negou esta posibilidade.
Malia que foi transladada ao hospital universitario HULA, non foi posíbel salvarlle a vida. Presentaba varias feridas en todo o corpo realizadas cunha machada. Unha delas, na parte dereita da cabeza, sería a que lle causou a morte. A parella levaba catro anos residindo na Galiza e 17 de convivencia. O agresor, G.C., xa foi detido.
Este novo caso de violencia machista fai que o número de mulleres asasinadas se eleven até as 14 nos tres meses que van de ano no conxunto do Estado español, a primeira na Galiza. Con todo, cómpre lembrar que o ano 2012 deixou no noso País cinco casos de terrorismo machista.
