Tres chíos ocorren na conta twitter do portavoz do grupo parlamentar nacionalista -@jorqueracaselas- co falecimento de Chávez e as reaccións suscitadas na imprensa como argumento.
No primeiro, Jorquera expresa o seu respaldo ao legado do líder bolivariano. "Na memoria de Chavez. Viva a causa bolivariana", escrebe o nacionalista galego.
A seguir é cando critica o tratamento dado pola imprensa española ao falecido presidente da República Bolivariana de Venezuela.
Nun primeiro chío afirma: "A prensa española refírese a Chavez como caudillo. A mesma prensa que cala que o Xefe de Estado español foi imposto polo caudillo". Nun segundo, deita novas críticas ao Borbón: "Por certo, no Est español podemos escoller o Xefe de Estado?, podémolo recusar?. En Venezuela o Estado pagaba a Chavez as súas "queridas"?.