Cinco pessoas forom detidas em Compostela nas últimas horas en relaçom com o protesto laboral no marco da manifestaçom de Seaga na capital da Galiza decorrida a semana passada contra o desmantelamento do serviço público de prevençom e extinçom contra incendios.
O colectivo Ceivar sinalaba num primeiro momento que, "de momento nom sabemos quais som os cárregos que se lhes imputam" e que o juiz que está a levar o caso é José Antonio Vázquez Taín, titular do Tribunal de Instruçom nº 2 de Santiago. Mais desde a Revista Abordaxe apuntam no portal Galizalivre que "os cargos que se lhe imputam polo menos ao primeiro dos detidos som de desordens públicas, alteraçom da ordem e lesons".
A assembleia Comarcal de Ceivar em Compostela convoca umha concentraçom para esta manhá da quarta feira às 12 nos julgados de Fontinhas.