sábado 24/10/20

Unha concentración de produtores diante da Xunta contra os baixos prezos do leite

Un cento de produtores, convocados pola Organización de Produtores Lácteos, OPL, concentráronse diante da Consellaría de Medio Rural para amosar a súa protesta pola situación do sector, en especial, contra os baixos prezos do leite. 

Foto: Xornal Agrario
Foto: Xornal Agrario

 

A OPL denunciou na concentración diante de San Caetano, os edificios administrativos da Xunta nos que se atopa a Consellería de Medio Rural, a desatención por parte das administracións da grave situación pola que atravesa o sector. Arredor dun cento de produtores secundaron a iniciativa que foi a primeira das mobilizacións que a OPL promoverá contra a situación que pon aos gandeiros galegos nas peores condicións de todo o Estado. 

A OPL cualificou de “ridículos” os prezos que están a cobrar por litro de leite, por baixo dos custes de produción, o que converte en inviábeis as súas explotacións. Os prezos que, segundo sinalaron na concentración, está a impoñer a industria pode conducir a un progresivo peche das explotacións e o empobrecemento e abandono do sector lácteo no país. 

comentarios